തെരുവ്
ഏറ് കൊണ്ട് പഴുപ്പൊലിപ്പിച്ച
നായയെപ്പോലെ..
ഈച്ചയാര്‍ക്കുമ്പോഴും
മഴ നക്കിവലിച്ച
ചുവപ്പന്‍ പതാകയെ
ഊതിയൂതി ഉണക്കി ,
ഞെരിച്ചുപൊട്ടിച്ച
കപ്പലണ്ടിത്തോടുകളിലെ
കറുത്ത വിരല്‍ പതിഞ്ഞ
വിപ്ലവ മണികള്‍
ഒന്നൊഴിയാതെ പെറുക്കിക്കള‍ഞ്ഞ്
ആശ്വാസം കൊള്ളും.
വെള്ളം തുടിയ്ക്കാത്ത
പഞ്ചായത്ത് പൈപ്പിഞ്ചോട്ടില്‍
സരസയും,ഭാര്‍ഗ്ഗവിയും
കൂനു വിഴുങ്ങിയ നാണിത്തള്ളയുമൊക്കെ
വിപ്ലവമാലകള്‍
ഉടുമുണ്ടുപൊക്കി സ്വീകരിക്കുമ്പോള്‍
കോളനിയുടെ
അടുക്കളപ്പുറങ്ങളിലെ
മീന്‍ മണം കൊതിക്കുന്ന
കറിച്ചട്ടികള്‍
മറിച്ചു വീഴ്ത്തിപ്പൊട്ടിച്ച്
വാശി തീര്‍ക്കും
പുറമ്പോക്കിലെ
ദളിതക്കൂട്ടായ്മകളിലെ
ഒച്ചയടച്ച ശബ്ദങ്ങളെ വിഴുങ്ങാന്‍
വന്‍ കുഴികളുണ്ടാക്കും..
സൌഹൃദതാളത്തില്‍ ചെണ്ടകൊട്ടി
വാറ്റിന്‍ ലഹരിയുടെ
കവിത വാര്‍ന്ന ഈണത്തില്‍
താടി വളര്‍ന്നചിന്തകളുടെ
കഴുത്തൊടിപ്പിക്കും
രാവു കനക്കുമ്പോള്‍
കൂരകള്‍ കഞ്ഞിക്കലങ്ങള്‍ ചുരണ്ടിക്കോരുന്ന
ഉന്മാദതാളത്തില്‍
തെരുവു നായ്ക്കള്‍ക്കൊപ്പം
പകലു കാട്ടിതന്ന ഇറച്ചിക്കഷ്ണങ്ങളില്‍
തല പൂഴ്ത്തും
നിലവിളികളെകടിച്ചു കുടഞ്ഞ്
വലിച്ചു കീറി…
വ്യാഴാഴ്‌ച
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
16 അഭിപ്രായങ്ങൾ:
ബ്ലോഗില്‍ നിറയെ പൊടിമണമാണ്..
അലര്‍ജിയുള്ളവര്‍ അടുക്കതിരിക്കുക
:)
(വീണ്ടും എഴുതുവാന്‍ പ്രേരിപ്പിച്ച ചങ്ങാത്തങ്ങള്‍ക്ക് സ്തുതി)
അസ്സല് കവിതയായിട്ടുണ്ട്.എഴുത്ത് വിടരുത്...
നല്ല തല്ലു തരാന്‍ ആളില്ലാത്ത കൊണ്ടാ..ഇവിടെ നിന്നും ഒരു വണ്ടി ആളുമായി ഞാന്‍ വരുന്നു..
ഇടക്ക് കവിത മുടക്കിയതിന്
നിന്നെ കൊല്ലണം..............
കലിപ്പ് തീരണില്ലല്ലോ..
കൊള്ളാം
ഇവിടെ സജീവമായിരുന്നു അല്ലേ
ഇതു വഴി വരാം
കെട്ടും മട്ടുമൊന്നു മാറിയോ...?
"മഴ നക്കിവലിച്ച
ചുവപ്പന്‍ പതാകയെ
ഊതിയൂതി ഉണക്കി.."
വഴിപോക്കന്‍ പറഞ്ഞതു തന്നെ കാര്യം. നിനക്കു നല്ല തല്ലു കിട്ടാത്തതിന്‍റെയാരുന്നു.
നിറയെ പൊടിമണം.
അലര്‍ജിക്കണോ വായിക്കണോ?
വഴിപോക്കാ, പാമരാ, ആ പറഞ്ഞത് ഒന്നു ചെയ്യൂന്നേ പ്ലീസ്.
നിലവിളികളെകടിച്ചു കുടഞ്ഞ്
വലിച്ചു കീറി…
:) കവിത നന്നായി.. വീണ്ടും കണ്ടതില്‍ സന്തോഷം..
ഇതായിരുന്നു ഞങ്ങള്‍ക്ക് നഷ്ട്ടപ്പെട്ടൂ കൊണ്ടിരുന്നിരുന്നിരുന്നിരുന്നിരുന്നിരുന്നത്!!!!!
നല്ല തുടക്കം.....പോന്നോട്ടെ, ഇനിയും
അസ്സല് വരികള്‍..
നല്ല തീഷ്ണത
ചുവപ്പന്‍ പതാകയെ
ഊതിയൂതി ഉണക്കി..
(എത്ര പെറുക്കിക്കളഞ്ഞിട്ടും, കറുത്ത വിരല്‍ പതിഞ്ഞ വിപ്ലവമണികള്‍.. ബാക്കിയാകുന്നതിന്റെ സങ്കടം.)
വിഷ്ണു മാഷേ,
പ്രോത്സാഹനങ്ങള്‍ക്കു നന്ദി.
സീപീ,
ഇങ്ങളെക്കൊണ്ടു തോറ്റല്ലോ മനുഷ്യാ..
:)
ഷൈജു,ഹാരിസ് - :)
പാമരോ,
നിന്നോടും എനിക്കിതു തന്നേ പറയാനുള്ളൂ കേട്ടാ..:)
ഗീതേച്ചീ,
എനിക്കിട്ടു കൊട്ടേഷന്‍ കൊടുത്തു തുടങ്ങിയല്ലേ.?
:)
പകലേ,തിരിച്ചും പെരുത്ത സന്തോയം.
രണ്‍ജിത്തേ,
ഡാക്സെടാ.
കണ്ണനുണ്ണീ - ആദ്യവരവിനു റൊമ്പ നണ്ട്രി!
ചേച്ചീ,
അപ്പറഞ്ഞത് ന്യായം..:)
കൊള്ളാം. കവിത ഇഷ്ടായി :)
ഗംഭീരം സുഹ്രുത്തേ!
നന്ദി;
പോറ്റി മണമൽപ്പം പോലുമില്ല; വരികളുടെ ചൂടു മാത്രം
ബിനോയ്,
വയനാടന്‍,
സ്നേഹം...:)
ഒരു അഭിപ്രായം പോസ്റ്റ് ചെയ്യൂ