ചില ചില സങ്കടങ്ങള്‍.....

അടിനാഭി തൊട്ടുരുമ്മി
അടക്കം പറഞ്ഞിക്കിളി കൂട്ടി
മൊബൈല്‍ കാമുകന്‍..

അരുകിലൊരുവള്‍
സ്ഖലനം പേറിയ കുഞ്ഞുടുപ്പ്
നേരെയാക്കി
ഉരുണ്ടുരുണ്ടുപോയൊരു
ചോറ്റുപാത്രം
തിരയുന്നു

റേഞ്ചിനു പുറത്ത്,
ബ്ലാക്ക് ബോര്‍ഡിനു കീഴെ.....

അതിരാവിലെ
ഉണര്‍ന്ന് ചതഞ്ഞൊരു തുണ്ട്
വറ്റല്‍ മുളകും
പിത്തം കൂടി മഞ്ഞിച്ചു പോയ
പച്ചരിച്ചോറും കൂടി
ബ്ലൂ ടൂത്തിനു പിടികൊടുക്കാതെ
നെഞ്ചത്തിടിച്ച്
നിലവിളിച്ചു കൊണ്ടേയിരിക്കുന്നു.